Իրանը հայտարարել է իսրայելական լրտես ձերբակալելու մասին
Իրանական Mehr լրատվական գործակալության փոխանցմամբ՝ Իրանի իշխանությունները ձերբակալել են մի տղամարդու, որին մեղադրում են Իսրայելի օգտին լրտեսություն կատարելու մեջ: Ենթադրյալ լրտեսի ձերբակալությունն իրականացվել է Իրանի հարավ-արևելյան հատվածում գտնվող Քերման նահանգում:
Տեղի իշխանությունների տվյալներով՝ նա տվյալներ է հավաքել երկրի հանքարդյունաբերության ոլորտի մասին: Ձերբակալման ժամկետն անհայտ է: Հետաքննությունը կարծում է, որ կասկածյալը գաղտնի տեղեկատվություն է տրամադրել Թաիլանդում Իսրայելի դեսպանատանը:
Այլ մանրամասներ չեն հաղորդվել: Հայտնի է միայն, որ լրտեսը կանգնելու է դատարանի առաջ:
