Թուրքիայի հատուկ ծառայությունները կարիք ունեն արաբերենին, պարսկերենին ու անգլերենին գերազանց տիրապետող մասնագետների
Թուրքական Anadolu լրատվական գործակալության փոխանցմամբ՝ Ազգային հետախուզական կազմակերպությունը (MIT) կարիք ունի օտար լեզուներին տիրապետող մասնագետների: Խոսքը գնում է արաբերենի, պարսկերենի ու անգլերենի մասին:
MIT-ում աշխատանքի ընդունվել ցանկացողները պետք է հուլիսի 30-ից մինչև օգոստոսի 23-ն ընկած ժամանակահատվածում համապատասխան հայտ ներկայացնեն MIT-ի ինտերնետային կայքում (www.mit.gov.tr):
Դիմորդները պետք է գերազանց տիրապետեն վերոնշյալ երեք լեզուներին (գրել, կարդալ, լսելով հասկանալ, խոսել, թարգմանչական հմտություններ): Թուրքական Asker Haber-ն այս տեղեկատվությունը վերնագրել է հետևյալ կերպ. «MIT-ը պատրաստվում է Իրանի դեմ պատերազմին»:
