Քաղաքում բացվել է անվճար ավտոբուսի գիծ՝ առանց գծատերերի

ԳԱԼԱ-ի փոխանցմամբ՝ երկու քաղաքացիներ՝ Գոռը և Ավետիքը, պատմում են, որ իրենք մեքենաներ չունեն, սակայն մեծ ցանկություն ունեն ժողովրդին օգտակար լինելու, ուստի գտել են վարորդի սեփական մեքենայով, ով պատրաստակամություն է հայտնել միայն վառելիքի խնդիրը լուծելու դեպքում անվճար տեղափոխել քաղաքացիներին:

Այսօր ավտոբուսի երթուղին Դավիթաշենից Օպերա է, նախաձեռնության հեղինակները 15000 դրամի վառելանյութ են այսօր գնել, չգիտեն՝ որքան ժամանակ կկարողանան շարունակել նախաձեռնությունը, համենայնդեպս ուրախ են իրենց կատարած աշխատանքի համար: Նրանք նշում են, որ գուցե վաղը փոխեն ավտոբուսի երթուղին և փորձեն օգտակար լինել նաև այլ քաղաքացիների: