Apple-ի շահույթը 2013թ. ապրիլ-հունիսին նվազել է 1.9 մլրդ դոլարով
Apple ամերիկյան ընկերության ղեկավար Թիմ Քուկը երեքշաբթի ներկայացրել է ընթացիկ ֆինանսական տարվա երրորդ եռամսյակի հաշվետվությունը (ապրիլ-հունիս): Նախորդ տարվա նույն ժամանակահատվածի հետ համեմատած՝ այդ ցուցանիշը նվազել է 1.9 մլրդ դոլարով և կազմել է 6.9 մլրդ:
Միևնույն ժամանակ տարեկան վաճառքի ցուցանիշները հուսադրող են` ընդհանուր շահույթը ֆիքսված 35.3 միլիարդ է: Ընկերության կապիտալիզացիան կազմել է 415.7 մլրդ դոլար, ինչն ընկերությունը դարձնում է ամենաթանկն աշխարհում:
Ներդրողները մտահոգություն են հայտնել նորույթների մասին լուրերի բացակայության պատճառով: Իր հերթին Թիմ Քուկը հայտնել է, որ նոր սարքերը շուկայում կհայտնվեն արդեն 2013 թվականի աշնանը:
Ամենահավանական նոր արտադրանքների թվում, հավանաբար, կլինի բյուջետային iPhone սմարթֆոնը, որը նպատակ ունի նվաճել չինական շուկան: Ինչպես նաև կներկայացվեն «խելացի ժամացույցները»:
Նշվում է, որ 2013 թվականին ընկերությունը կարողացել է իրացնել 31.2 մլն iPhone:
