Կրեմլը դեռ չի հաստատում Պուտինի առաջիկա իրանական այցի մասին տեղեկատվությունը
Ռուսական РИА Новости լրատվական գործակալության փոխանցմամբ՝ Ռուսաստանի նախագահի մամլո քարտուղար Դմիտրի Պեսկովը չի հաստատել մամուլում շրջանառվող այն տեղեկատվությունը, թե նախագահ Վլադիմիր Պուտինը պատրաստվում է մեկնել Իրան.
«Դա դեռ չեմ կարող հաստատել: Պատրաստվում են բազմաթիվ այցեր, սակայն երբ դրանք կհամաձայնեցվեն, այդ ժամանակ էլ կհաղորդվի այդ մասին»:
Նշվում է, որ սրանից առաջ Коммерсант թերթը հայտնել էր, որ Վլադիմիր Պուտինը պատրաստվում է օգոստոսի 12-13-ին մեկնել Իրան:
