Բելֆաստում ցուցարարներն այրել են 4 ավտոմեքենա
BBC-ի փոխանցմամբ՝ գիշերը բողոքի ակցիաներ են անցկացվել հյուսիսիռլանդական Բելֆաստ քաղաքում: Ցուցարարներն այրել են 4 ավտոմեքենա և դյուրավառ նյութեր են նետել ոստիկանների վրա:
Տուժածներ չկան: Ցուցարարները հարձակվել են նաև ֆրանսիացի լրագրողի վրա և խլել նրա լուսանկարչական սարքը, սակայն նա չի ստացել վնասվածքներ: Հինգերորդ օրն անընդմեջ Բելֆաստում չեն դադարում բողոքի ակցիաները:
Դրա պատճառն այն է, որ ոստիկանությունը փորձել է ապահովել քաղաքային իշխանությունների դրած արգելքը՝ կապված Բելֆաստի կաթոլիկ թաղամասում բողոքական-նարնջագույների ավանդական շքերթի անցկացման հետ, ինչն ամեն տարի Բելֆաստում անցկացվում է հուլիսի 12-ին:
