Կահիրեի թաղամասերում գրանցվել են գիշերային բախումներ
Ռուսական ИТАР-ТАСС լրատվական գործակալության փոխանցմամբ՝ Եգիպտոսի մայրաքաղաք Կահիրեի մի շարք թաղամասերում գիշերային ժամերին բախումներ են գրանցվել իսլամիստների և աշխարհիկ պետության կողմնակիցների միջև:
Կողմերը գործի են գցել փայտե մահակներ ու քարեր: Գործին միջամտել են ուժային կառույցների ներկայացուցիչները: Ոստիկանությունն ամբոխին ցրելու համար կիրառել է արցունքաբեր գազ: Կան տասնյակ տուժածներ:
Վիրավորների թվում կան նաև 4 ոստիկաններ, որոնցից 2-ը սպաներ են: Նրանք հրազենային վնասվածքներով տեղափոխվել են հիվանդանոց: Շատ ցուցարարներ թունավորվել են արցունքաբեր գազից:
