Իրանը շուտով Սիրիա կուղարկի 4000 զինծառայող. The Independent
Բրիտանական The Independent թերթի փոխանցմամբ՝ Իրանն ամենամոտ ժամանակներս կարող է Սիրիա ուղարկել 4000 զինծառայող, որոնք կօգնեն Սիրիայի նախագահ Բաշար Ասադի ուժերին:
Թերթն ընդգծում է, որ Թեհրանը լի է վճռականությամբ պահպանելու Ասադի վարչակարգը: Ենթադրվում է, որ Սիրիա կուղարկվեն Իրանի զինված ուժերի էլիտար զորամիավորում հանդիսացող Իսլամական հեղափոխության պահակազորի ստորաբաժանումները:
Սիրիա զինծառայողներ ուղարկելու մասին որոշումն ընդունվել է հունիսի 14-ին Իրանում անցկացված նախագահական ընտրություններից առաջ, որոնցում հաղթել է ռեֆորմիստական թևի ներկայացուցիչ Հասան Ռոուհանին:
