Ժողովրդական դեղատոմսեր փորկապության դեմ
Փորկապությունն իրենից ներկայացնում է կղանքի երկարատև (48 ժամից ավելի) կանգն աղիներում կամ աղիների ամենօրյա անբավարար և դժվարացած դատարկումը։ Ըստ նորմայի անհատը պետք է դուրս գնա օրը 1-2 անգամ: Սուր փորկապություն է նկատվում, երբ անհատը դուրս է գնում շաբաթը մեկ անգամ, իսկ քրոնիկ փորկապության դեպքում աղիները դատարկվում են 15-20 օրը մեկ:
Փորկապության պատճառները
Ջրի պակաս
Ջուրը մեր օրգանիզմի կարևոր բաղադրիչներից մեկն է: Ջուրը կազմում է մեր մարմնի 70%-ը: Մարսողական համակարգում ջուրը գլխավոր դեր է խաղում, քանի որ այն օգնում է, որպեսզի մարսված սնունդը ներծծվի բարակ աղիներում, և այդտեղից այն տեղափոխվի հաստ աղի, ուղիղ աղի և սրբան: Այս գործընթացում ջուրը փափուկ է պահում աղիների տեքստուրան և նպաստում կղանքի հեշտ տեղաշարժվելուն: Ջրի պակասի դեպքում աղիների շարժումները դանդաղում են, և կղանքը կարծրանում է:
Ոչ ճիշտ սննդակարգ
Փորկապության գլխավոր պատճառներից մեկը ոչ ճիշտ սննդակարգն է: Եթե սննդակարգում բացակայում է դիետիկ մանրաթելը, առաջանում է փորկապության խնդիրը: Մանրաթելը չմարսված սննդի նյութն է, որն էլ նպաստում է կղանքի ձևավորմանը և շարժմանը: Առանց բավարար մանրաթելի՝ կղանքը կարծրանում է և դժվարանում է նրա շարժումն աղիներում: Կենդանական ծագման սննդամթերքների և կաթնեղենի անչափ օգտագործումը կարող է հանգեցնել փորկապության, քանի որ դրանցում առկա չէ դիետիկ մանրաթելը:
Դեղահաբեր
Հայտնի է, որ որոշ դեղամիջոցների պատճառով առաջանում է փորկապություն: Այդ դեղահաբերից են` անտացիդները, հակադեպրեսանտները, խոլեստիրամինը, կլոնիդինը, լեովոդոպան, նարկոտիկները, միզամուղ դեղերը:
Սթրես
Սթրեսը փորկապության պատճառներից մեկն է: Մարդիկ, ովքեր տառապում են սթրեսից և անհանգստությունից, նրանց մոտ գաստրոկոլիկ ռեֆլեքսի մակարդակը ցածր է, որն էլ հանգեցնում է փորկապության: Կղանքը կարծրանում է աղիներում և մեծ խնդիր է առաջանում աղիների դատարկման հետ:
Ֆիզիկական դրություն
Շաքարախտը, հիպոկալցիեմիան, հիպերպարատիրեոզը, հիպոկալմիան, հղիությունը, հիպոտիրոիդիզմը, ցրված սկլերոզը, Պարկինսոնի հիվանդությունը նպաստում են փորկապության առաջացմանը:
Լուծողականների չարաշահումը
Լուծողականների չարաշահման հետևանքով առաջանում է մի երևույթ, որը կոչվում է՝ ծույլ հաստ աղի: Այս երևույթը բնորոշվում է նրանով, որ հաստ աղիի պերիստալտիկ շարժումները, որոնք հրում են կղանքը, դադարեցվում են:
Դեհիդրացիա
Դեհիդրացիան ջրի կորուստն է, որը որոշ դեպքում առաջ է բերում փորկապություն: Ամռան ամիսներին նկատվում է փորկապություն, որն առաջանում է ջրազրկման հետևանքով: Ամռան ընթացքում մարսողական համակարգում առկա ջրի ֆունկցիան փոխվում է` կարգավորելով մարմնի ջերմաստիճանը: Ջուրն արտազատվում է քրտինքի և ջրի գոլորշու տեսքով: Ջրի պակասը պետք է լրացվի, որպեսզի մարսողական համակարգում խնդիրներ չառաջանան:
Ժողովրդական դեղատոմսեր փորկապության համար
Ջուր
Ջուրը մեր մարմնի այն գլխավոր բաղադրիչներից մեկն է, որն օգնում է մարսողական ֆունկցիաների իրականացմանը: Օրական 6-8 բաժակ ջուր խմելը ոչ միայն ապահովում է ջրի անհրաժեշտ մակարդակը, այլ նաև նպաստում է կղանքի հեշտ տեղաշարժմանը: Բժիշկները խորհուրդ են տալիս փորկապությամբ տառապող մարդկանց՝ վաղ առավոտյան մեկ լիտր ջուր խմել և հետո 10 րոպե քայլել: Ջրի հանկարծակի մուտքը մարսողական համակարգ տանում է ստամոքսի չմարսված սնունդը բարակ աղիներ, այնտեղից էլ՝ հաստ աղի:
Մրգեր
Մրգերը, որ պարունակում են դիետիկ մանրաթել, պայքարում են փորկապության դեմ: Կան մի շարք մրգեր, որոնք պետք է օրական ուտել` փորկապությունից խուսափելու համար: Դրանք են` խնձոր, պապայա, նարինջ, ծիրան, գուավա, ելակ, չամիչ, տանձ:
Բանջարեղեն
Բանջարեղենը նույնպես պարունակում է մանրաթել: Փորկապության դեպքում խորհուրդ է տրվում բանջարեղենն ուտել թերխաշ կամ հում: Ամենօրյա սննդակարգը պետք է պարունակի կաղամբ, գազար, բրոկոլի, ծաղկակաղամբ, դդում, որոնք մաքրում են աղիները և նպաստում դուրս գնալուն:
Մանրաթելով հարուստ սննդակարգ
Մանրաթել
Հայտնի է, որ մարդիկ փորկապության խնդիրներ են ունենում, երբ նրանց սննդակարգում բացակայում է մանրաթելը: Որպեսզի սննդակարգը հարուստ լինի մանրաթելով, պետք է բանջարեղենային սնունդ օգտագործել: Մանրաթելով հարուստ է ցորենը, բրինձը, բանջարեղենը, խոտաբույսերը և տարբեր մրգերը: Մանրաթելը չմարսված սնունդն է, որը ներծծում է ջուրը մարսողության գործընթացում: Չմարսված սննդամթերքն աղիներով շարժման ընթացքում վերածվում է կղանքի: Կղանքը հեշտ է տեղաշարժվում աղիներում, եթե այն պարունակում է շատ ջուր:
Թուզ
Թուզը պարունակում է մեծ քանակությամբ մանրաթել և նպաստում է հեշտ մարսողական գործընթացին:
Նուշի ձեթ
Եթե ցանկանում եք ազատվել փորկապությունից, ապա դիմեք այս դեղատոմսին` մեկ բաժակ կաթին ավելացրեք 2ճ/գ նուշի ձեթ և այս խառնուրդը խմեք 3-4 օր:
Կանոնավոր ֆիզիկական վարժություններ
Կանոնավոր ֆիզիկական վարժությունները լավագույն դեղամիջոցն են փորկապության համար: Ֆիզիկական վարժությունները նպաստում են, որպեսզի արտաքին մկանները կրճատվեն, ներքին օրգանների մկանները կրճատվեն և երկարեն: Մկանների ճիշտ աշխատանքի արդյունքում է, որ սննդամթերքը տեղաշարժվում է աղիներով: Կարող եք զբաղվել յոգայով, եթե ունեք փորկապության խնդիրներ: Յոգայի վարժություններից մի քանիսն ուղղված են փորկապության դեմ: Դրանք են` Surya Namaskara, Pavanamukta Asana, Trikona Asana, Hala Asana, Tada Asana, Matsya Asana, Ardha Matsyendra Asana, և այլն:
Վուշի սերմեր
Վուշի սերմերը դեռ հնուց օգտագործվել են խոհարարության, դեղագիտության և հագուստի մեջ: Վուշի սերմերը կարող են օգնել նաև փորկապության ժամանակ:
4-շաբաթյա հետազոտությունները ցույց են տվել, որ վուշի սերմեր օգտագործած մարդկանց խմբի մոտ նկատվել է դրական փոփոխություն և կրճատվել է փորկապությունը:
Տզկանեփի ձեթ
Տզկանեփի ձեթը լուծողական է և դեռ հնուց օգտագործվել է` բուժելու փորկապությունը: Այն գործի է դնում ոչ միայն հաստ աղին, այլ նաև բարակ աղիները, և հեռացնում է թույները:
Հոգնա
Հոգնայի պրոցեդուրայի օգնությամբ կարելի է ազատվել փորկապության խնդրից: Սակայն պետք է ջրի ներթափանցումը չզիջի սպասված արդյունքը: Քրոնիկ և սուր փորկապության դեպքում սովորաբար դիմում են այս մեթոդին:
