Ավինյանի ղեկավարած կառույցում փողի լուրջ խնդիր կա. 5.5 միլիարդ դրամով պակաս գումար են հավաքել
Կարմիր գծերի թանկացումից և տեղական տուրքերի բարձրացումից հետո Երևանի քաղաքապետարանը կանգնել է լուրջ ֆինանսական խնդիրների առաջ։
Չնայած հարկեր-տուրքերի տասնապատիկ ավելացմանը՝ Երևանի քաղաքապետարանը չի կարողանում սեփական միջոցներով հոգալ քաղաքի կարիքները և ստիպված ՀՀ Կառավարությունից ֆինանսական օգնություն՝ դոտացիա է խնդրել։
Կառավարության պահուստային ֆոնդից Երևանի քաղաքապետարանին հատկացվել է 3 միլիարդ դրամ դոտացիա։
Պարզվում է՝ Երևան քաղաքի բյուջեում առկա է թերհավաքագրում, հատկապես՝ հանրային տրանսպորտի ուղեվարձերի վճարման մասով:
2025 թվականի բյուջեով տրանսպորտի ուղեվարձերի եկամտից ստացված միջոցները նախատեսվել էր 21.303,814.7 հազար դրամ, սակայն ընթացիկ տարվա կանխատեսումներով այդ մասով սպասվում է շուրջ 5.5 մլրդ դրամ թերհավաքագրում (04.11.25թ. դրությամբ փաստացի հավաքագրում՝ 12,806,901.2 հազար դրամ)։
ՀՀ պետական բյուջեից շուրջ 3.0 մլրդ դրամի պահանջի համար հիմնավորումներում նշվել է, որ այն կուղղվի 2025 թվականի ծախսերի ֆինանսավորմանը, որոնք պետք է իրականացվեին տրանսպորտի ուղեվարձի եկամտից ստացված միջոցներով:
Նշենք, որ Երևանի քաղաքապետարանը 3 միլիարդ դրամ է ստացել Կառավարության պահուտային ֆոնդից՝չներկայացնեով պահանջվող ծախսերի հաշվարկ-հիմնավորումները:
