Մոսկվայի մետրոպոլիտենում բռնկված հրդեհից տուժել է 40 մարդ
Ռուսական Интерфакс լրատվական գործակալության փոխանցմամբ՝ Մոսկվայի մետրոպոլիտենում բռնկված հրդեհի հետևանքով տուժել է 40 մարդ, որոնք դիմել են բժիշկների օգնությանը: Այս մասին հայտնել է իրավապահ մարմիններում եղած աղբյուրը:
Հոսպիտալացվել է 4 մարդ: Հրդեհի վայրում դադարեցված է գնացքների երթևեկությունը: Կենտրոնական կայարանների միջև ընկած հատվածում վագոններում մնացել են ուղևորներ, որոնց փորձում են տարհանել այնտեղից:
Հրդեհը բռնկվել է այսօր առավոտյան՝ Охотный ряд կայարանի մոտ գտնվող թունելում: Հաղորդվել է, որ այնտեղ մալուխ է այրվել, բռնկված հրդեհը շուտափույթ մարվել է: Մետրոպոլիտենից տվյալ պահին տարհանվել է մոտ 4500 մարդ:
