Սիրիայի կառավարության դիրքորոշումը չի փոխվել ահաբեկչության դեմ պայքարում. Բաշար Ասադ
Սիրիական SANA լրատվական գործակալության փոխանցմամբ՝ Սիրիայի նախագահ Բաշար Ասադը երեկ Թունիսի ներկայացուցիչների հետ հանդիպման ժամանակ հայտարարել է, որ կառավարության դիրքորոշումը չի փոխվել ահաբեկչության դեմ պայքարի և սիրիական ճգնաժամի քաղաքական կարգավորման հարցերում.
«Սիրիայի դիրքորոշումն անփոփոխ է ահաբեկիչների և տարածաշրջանային ու գլոբալ մակարդակով նրանց աջակցողների դեմ պայքարում, ինչպես նաև ճգնաժամի քաղաքական լուծման փնտրտուքին ուղղված ջանքերում»:
Ասադը հավելել է, որ սիրիացիները գնահատում են Թունիսի ժողովրդի աջակցությունը, իսկ այն թունիսցիները, որոնք պատերազմելու նպատակով եկել են Սիրիա, ներկայացնում են միայն իրենց:
Նշվում է, որ այս տարվա մարտի դրությամբ սիրիական ընդդիմության կողմում մարտնչում էր մոտ 3500 թունիսցի:
