Ղարաբաղյան հակամարտությունը չի կարող կարգավորվել ռազմական ճանապարհով. ԱՄՆ պետդեպարտամենտ
Ադրբեջանական APA լրատվական գործակալության փոխանցմամբ` ԱՄՆ պետդեպարտամենտի մամուլի փոխքարտուղար Պատրիկ Վենտրելը ճեպազրույցի ժամանակ անդրադարձել է Ղարաբաղյան հակամարտության կարգավորմանը.
«Ղարաբաղյան պատերազմի ժամանակ մարդկանց աղետալի մահը ևս մեկ անգամ մեզ հիշեցնում է Ղարաբաղյան հակամարտության` ռազմական ճանապարհով կարգավորվելու անհնարինության մասին:
Միայն խաղաղ ճանապարհով կարգավորումը տարածաշրջանին կբերի կայունություն, բարեկեցություն ու հաշտեցում: Դուք գիտեք, որ ԱՄՆ-ը հանդիսանում է ԵԱՀԿ Մինսկի խմբում համանախագահող երկիր, և մենք հավատարիմ ենք կողմերի հետ աշխատանքներ տանելու մեր մտադրություններին` տևական խաղաղության հասնելու համար»:
