Վրաստանը Հայաստանին է վերադարձրել 12 տոննա վարակված կարտոֆիլը
Грузия Online-ի փոխանցմամբ՝ ապրիլի 23-ին Նինոծմինդայի (նախկին անվանումը՝ Բոգդանովկա) մաքսային անցակետում կանգնեցվել է Հայաստանից Վրաստան 12.000 կիլոգրամ կարտոֆիլ բերող ավտոշարասյունը:
Կարտոֆիլի նմուշներն ուղարկվել էին լաբորատոր հատուկ փորձաքննության, որն էլ պարզել էր, որ կարտոֆիլը վարակված է կարանտինային հիվանդություններով: Վարակված կարտոֆիլը հետ է վերադարձվել արտահանող երկրին՝ Հայաստանին:
