Օբաման վերստին խուսափել է ցեղասպանություն բառն օգտագործելուց
Թուրքական Ihlas լրատվական գործակալության փոխանցմամբ՝ ԱՄՆ նախագահ Բարաք Օբաման Հայոց ցեղասպանության 98-րդ տարելիցի կապակցությամբ գրավոր հայտարարություն է տարածել: Օբաման հերթական անգամ խուսափել է «ցեղասպանություն» եզրույթն օգտագործելուց՝ փոխարենը գործածելով «Մեծ եղեռն» բառերը:
Օբամայի հայտարարությունում Հայոց ցեղասպանությունը որակվել է որպես 20-րդ դարի ամենամեծ չարագործություններից մեկը: Օբաման ընդգծել է, որ առաջ ընթանալու համար անհրաժեշտ է պատասխանատվություն կրել անցյալի իրողությունների համար:
Թուրքական Zaman թերթն իր հերթին ուշադրություն է հրավիրում նրա վրա, որ այս տարի ԱՄՆ Կոնգրեսի օակարգում չի ընդգրկվել Հայոց ցեղասպանությունը ճանաչող բանաձև:
