Քրդական կուսակցությունը թուրքական պետությանը կոչ է արել ներողություն խնդրել հայերից
Ստամբուլի հայկական «Ակօս» թերթի փոխանցմամբ՝ Թուրքիայի խորհրդարանում ներկայացված քրդական միակ «Խաղաղություն ու ժողովրդավարություն» կուսակցությունը (ԽԺԿ) հայտարարել է, որ Հայոց ցեղասպանությունը 20-րդ դարի ամենամեծ աղետներից մեկն է:
Այս մասին նշված է ԽԺԿ-ի կենտրոնական գրասենյակի տարածած հայտարարությունում: Դրանում ասվում է, որ 1915 թվականի ապրիլի 24-ը մարդկության պատմության ամենամեծ ցեղասպանություններից մեկն է:
Հայտարարությունում Թուրքիային կոչ է արվում առերեսվել սեփական պատմության հետ, պատասխանատվություն կրել անցյալի համար և պատճառած մեծ ցավերի համար ներողություն խնդրել հայերից:
