Հեռանկարում անպայմանորեն բացվելու է Աբխազական երկաթուղին. Բիձինա Իվանիշվիլի
Новости-Грузия լրատվական գործակալության փոխանցմամբ՝ Ստրասբուրգում գտնվող Վրաստանի վարչապետ Բիձինա Իվանիշվիլին այսօր ելույթ է ունեցել ԵԽԽՎ գարնանային նստաշրջանում:
Իր ելույթում Իվանիշվիլին անդրադարձել է նաև Աբխազական երկաթուղու վերաբացմանը. «Հեռանկարում անպայմանորեն բացվելու է Աբխազական երկաթուղին, սակայն դա առաջին հերթին պետք է իրականացվի Վրաստանի շահերի հաշվի առնմամբ:
Յուրաքանչյուր ճանապարհ տալիս է հավելյալ հնարավորություններ, և հեռանկարում անպայմանորեն բացվելու է այդ ճանապարհը: Սակայն մենք չպետք է հապճեպ լուծենք այդ խնդիրը, քանի որ կան շատ հարցեր:
Դրա համար անհրաժեշտ է ժամանակ և պետք է պաշտպանվեն շահագրգիռ բոլոր կողմերի և առաջին հերթին մեր երկրի շահերը: Այդ հարցի լուծումը սերտորեն կապված է քաղաքականության հետ»:
