Ստամբուլում ստեղծվելու է Թուրքիայի բոլոր նահանգները խորհրդանշող զբոսայգի
Թուրքական Cihan լրատվական գործակալության փոխանցմամբ՝ Ստամբուլի քաղաքապետարանը նոր զբոսայգու կառուցման համար Բեյքոզի շրջանում հատկացրել է 800 հեկտար անտառատարածք:
Այդ զբոսայգին Թուրքիայի նման ունենալու է 7 խոշոր շրջան և 81 նահանգ: Այգին գտնվելու է Բոսֆորի նեղուցի երկու կողմում: Նախագծի իրագործման վերահսկողությունն իր ձեռքն է վերցրել Թուրքիայի վարչապետ Ռեջեփ Էրդողանը:
Զբոսայգին ամեն օր բաց կլինի այցելուների համար, ենթադրվում է, որ նրանում չեն լինի բնակելի ու առևտրային խոշոր համալիրներ, փոխարենը կլինեն ոչ մեծ սրճարաններ, ռեստորաններ, հանգստյան գոտիներ ու շատրվաններ: Այգու կառուցման նպատակով չեն հատվելու ծառեր:
