Իրանը ցանկանում է նավթ մատակարարել ԿԺԴՀ-ին
Finance.ua-ի փոխանցմամբ՝ Իրանի նավթարդյունաբերության նախարար Ռոստեմ Ղասեմին հայտարարել է ԿԺԴՀ-ի հետ բանակցություններ վարելու մասին՝ այդ երկրներին իրանական նավթ մատակարարելու համար:
ՄԱԿ ԱԽ-ը պատժամիջոցներ է սահմանել Իրանի ու ԿԺԴՀ-ի նկատմամբ՝ կապված նրանց միջուկային ծրագրերի հետ: ԱՄՆ-ն ու ԵՄ-ը դադարեցրել են իրանական նավթի գնումը: Վաշինգտոնը նաև ճնշում է գործադրում Ասիայի երկրների վրա, որպեսզի նրանք էլ միանան իրանական նավթի նկատմամբ դրված բեռնարգելքին:
Միևնույն ժամանակ Իրանի ու ԿԺԴՀ-ի միջև համագործակցությունը չի սահմանափակվում միջուկային տեխնոլոգիաների հարցով: 1990-ական թվականներին ԿԺԴՀ-ն հանդիսացել է Թեհրանին զենքի հիմնական մատակարարներից մեկը:
