Մեկ շաբաթից «ԱրմենՏելի» նոր տնօրենը կնշանակվի. մամուլ
««Աոավոտի» տեղեկություններով՝ մինչև ապրիլի վերջը հայտնի կդառնա «ԱրմենՏել» ընկերության գլխավոր տնօրենի անունը: Թե ինչո՞ւ «ՎիmպելԿոմի» ղեկավարությունը այդքան երկար չէր կողմնորոշվում՝ ում նշանակել նոր տնօրեն և ով է լինելու ընկերության նոր տնօրենը, «ԱրմենՏելից» չկարողացան պատասխանել:
Ընկերության մամուլի ծառայությունից միայն ասեցին, որ նշանակվելուն պես իրենք կհրապարակեն գլխավոր տնօրենի անունը:
Նկատենք, որ մոտ 4 ամիս է՝ հունվարի 1-ից, «ԱրմենՏել» ընկերությունը Իգոր Կլիմկոյից հետո ժամանակավոր տնօրինում է ֆինանսական գծով տնօրեն Կարեն Շահնազարյանը, որն այդ պաշտոնում եղել է նաև ընկերության նախորդ տնօրեններից մեկի՝ Նեյչո Վելիչկովի հեռանալուց հետո»,- գրում է «Առավոտ» օրաթերթը:
