Թուրքիան ու Իսրայելը սկսում են փոխհատուցման բանակցությունները
Թուրքական TRT Haber հեռուստաալիքի փոխանցմամբ՝ Թուրքիան ու Իսրայելը ձեռնամուխ են եղել «Մավի Մարմարայի» միջադեպի հետևանքով զոհված 9 թուրքերի ընտանիքներին փոխհատուցում վճարելու մասին բանակցություններին:
Թուրք-իսրայելական հարաբերությունների կարգավորման մասին պայմանավորվածություն ձեռք բերվեց մարտին, երբ Իսրայելի վարչապետ Բենիամին Նեթանյահուն հեռախոսազրույց ունեցավ իր թուրք գործընկեր Ռեջեփ Էրդողանի հետ և ներողություն խնդրեց այդ միջադեպի համար:
Կառավարության ղեկավարները պայմանավորվածության եկան նորմալ հարաբերությունների վերականգնման շուրջ՝ ներառյալ դեսպանների վերադարձը, ինչպես նաև իսրայելցի զինծառայողների նկատմամբ Թուրքիայի կողմից իրավաբանական հետապնդումից հրաժարվելու շուրջ:
