Խաղադաշտում միայն իր ներկայությամբ Մեսսին ամեն ինչ կարող է փոխել. Ալվեշ
«Բարսելոնայի» պաշտպան Դանի Ալվեշը խոսել է թիմի առաջատար Լիոնել Մեսսիի կարևորության մասին, ինչպես նաև արգենտինացուն համեմատել «Ռեալի» հարձակվող Կրիշտիանո Ռոնալդուի հետ։
«Մեսսին գիտի, որ աշխարհում համար առաջինն է։ Նա ինչ-որ կախարդական ուժ ունի։ Խաղադաշտում միայն իր ներկայությամբ նա կարող է փոխել ամբողջ խաղը։ Մենք բարձր ենք գնահատում նրա ներդրումը թիմի հաջողություններում։
Դեռ ժամանակ կա, որպեսզի Մեսսին լիովին ապաքինվի մինչև «Բավարիայի» հետ հանդիպումը։ ՊՍԺ-ի դեմ նա խաղաց, բայց դեռ ապաքինված չէր։
– Ինչո՞ւ եք կարծում, որ Մեսսին Ռոնալդուից ավելի լավն է։
– Քանի որ Մեսսիի մոտ դա բնական է, իսկ Ռոնալդուի մոտ՝ աշխատանքի արդյունք։ Հենց սրանում է տարբերությունը։ Մեսսին ծնվել է լավագույնը լինելու համար», – բրազիլացու խոսքերն է փոխանցում AS-ն։
Մարզական լրահոսն ապահովում է SportArmenia.com-ը
