Սաակաշվիլին մտադիր է դառնալ Վրաստանի հաջորդ նախագահի խորհրդականը
Новости-Грузия լրատվական գործակալության փոխանցմամբ՝ Վրաստանի նախագահ Միխեիլ Սաակաշվիլին հայտարարել է, որ մտադիր է շարունակել քազաքական գործունեությունն այն բանից հետո, ինչ աշնանը կսպառվի նրա նախագահական երկրորդ ժամկետը.
«Ես իրավաբան եմ, սակայն մտադիր չեմ վերադառնալ այդ մասնագիտությանը և նորից պայքարելու եմ իմ երկրի անկախության ու ազատության համար: Ես ցանկանում եմ դառնալ ապագա նախագահի խորհրդականը: Ամեն դեպքում ես մտադիր եմ վարել քաղաքական ակտիվ կյանք»:
Վրաստանում նախագահական ընտրություններն անցկացվելու են այս տարվա հոկտեմբերին: Դեռևս հայտնի է միայն մեկ թեկնածուի մասին, որը Լեյբորիստական կուսակցության նախագահ Շալվա Նաթելաշվիլին է:
