Fujitsu-ն պլանշետի կվերածի թղթի էջը (տեսանյութ)
Fujitsu ընկերությունը մշակել է տեխնոլոգիա, որը թույլ է տալիս թղթի էջին ինտերակտիվության տարրեր հաղորդել՝ դրա վրա տպագրված տեքստով, գրում է Diglnfo TV-ն:
Ստեղծված համակարգն իր մեջ ներառում է պրոյեկտոր, վեբ-տեսախցիկ, համակարգիչ և ծրագրային ապահովում՝ պատկերները վերամշակելու համար:
Համակարգի միջոցով օգտատերերը նախևառաջ կկարողանան ներմուծել թղթի վրա եղած տվյալները՝ տեքստը կամ նկարները: Այս տվյալները մատով նշելու պարագայում՝ դրանք կթվայնացվեն և կփոխանցվեն համակարգչին: Բացի այդ, պրոյեկտորի շնորհիվ թղթին կարելի է հավելյալ տեղեկություններ փոխանցել, որոնք կապված են տեքստի հետ, օրինակ՝ լուսանկարներ կամ տեսանյութեր:
Համակարգն արձագանքում է օգտատիրոջ միայն մեկ մատի հպմանը: Ամբողջ ձեռքով կատարված շարժումները համակարգը չի ընկալի:
Համակարգը ստեղծողները թողարկել են դեռևս միայն նորույթի նախնական տարբերակը, սակայն նրանք ծրագրում են մշակումը սերիական արտադրության տանել միայն 2014թ.:
