Բաշար Ասադը շնորհավորել է Նիկոլաս Մադուրոյին
Սիրիական SANA պետական լրատվական գործակալության փոխանցմամբ՝ Սիրիայի նախագահ Բաշար Ասադը շնորհավորել է Նիկոլաս Մադուրոյին՝ Վենեսուելայի նախագահական ընտրություններում հաղթանակ տանելու կապակցությամբ:
Իր հեռագրում Ասադը հաջողություններ է մաղթել Մադուրոյին՝ իր վրա դրված «բարձր պատասխանատվության» իրագործման մեջ: Ասադը վստահություն է հայտնել, որ երկու երկրների միջև բացառիկ հարաբերությունները զարգացում կապրեն նաև Մադուրոյի նախագահության ընթացքում, ով փոխարինել է հանգուցյալ Ուգո Չավեսին:
Նշվում է, որ Մադուրոյի երդմնակալությունը պետք է տեղի ունենա ապրիլի 19-ին՝ չնայած, որ Վենեսուելայի ընդդիմությունը Կարակասում կազմակերպում է բազմահազարանոց բողոքի ակցիաներ՝ պահանջելով կատարել քվեների վերահաշվարկ:
