Արմեն Աշոտյան. Ավելի լավ Երևան, բարև
Արմեն Աշոտյանը ֆեյսբուքյան իր էջում ամփոփել է Երևանի քաղաքապետի ընտրությունների քարոզարշավի առաջին շաբաթը, որտեղ, ըստ նրա՝ ակնհայտ են դարձել մի շարք հանգամանքներ:
«Ակնհայտ դարձավ, որ`
1. Ոչ իշխանական քաղաքական ուժերին չի հաջողվել ընտրությունները մայրաքաղաքային տնտեսությունից տեղափոխել քաղաքական հարթություն:
2. Բացի Տարոն Մարգարյանից՝ որևէ այլ պոտենցիալ քաղաքապետացու այդպես էլ չնշմարվեց:
3. Ոչ իշխանական ուժերը, թեպետ չունեն միասնական գործելու և ոչ մի ծրագիր, միավորվել են միայն մեկ ուղղությամբ` լայնածավալ հակաքարոզչություն Տարոն Մարգարյանի դեմ:
4. Դրանցից ոմանք չեն խորշում անգամ ամենանողկալի միջոցներից, խախտելով բազում չգրված օրենքներ և բարոյական նորմեր:
5. Արտաքուստ իբր բարեկիրթ, իսկ սոց. ցանցերում սանձարձակ և զարհուրելի պահվածք որդեգրածները այդպիսով ընդամենն ընդգծում են իրենց քաղաքական և բարոյական սնանկությունը:
Հ.Գ. Քաղաքապետի ընտրություններին մնաց 3 շաբաթ…»:
