ԵԱՀԿ գործող նախագահի՝ հակամարտությունների հարցերով հատուկ ներկայացուցիչը ժամանել է տարածաշրջան
Ադրբեջանական APA լրատվական գործակալության փոխանցմամբ՝ ԵԱՀԿ գործող նախագահի՝ հակամարտությունների հարցերով հատուկ ներկայացուցիչ Անդրեյ Դեշիցան գտնվում է Ադրբեջանում:
Պլանավորված է, որ այստեղ նա հանդիպումներ է ունեցել Ադրբեջանի պաշտպանության նախարար Սաֆար Աբիևի, նախագահի աշխատակազմի ներկայացուցիչների ու արտգործնախարար Էլմար Մամեդյարովի հետ:
Այդ հանդիպումներում կողմերը քննարկել են Ղարաբաղյան հակամարտության խաղաղ կարգավորման հարցը, ինչպես նաև ԵԱՀԿ գործող նախագահ, Ուկրաինայի արտգործնախարար Լեոնիդ Կոժարայի հարավկովկասյան այցի նախապատրաստումը:
Կոժարայի տարածաշրջանային այցը պլանավորված է այս տարվա հունիսին: Դեշիցան ապրիլի 15-16-ին Ադրբեջանից մեկնելու է Վրաստան, իսկ ապրիլի 16-17-ին՝ Հայաստան:
