Ֆուտբոլիստները փախել են գազազած երկրպագուներից
Հունաստանի առաջնության շրջանակներում կայացած ԱԷԿ- «Պանատինայկոս» խաղն ընդհատվել է՝ երկրպագուների խաղադաշտ ներխուժելու պատճառով:
Խաղի 84-րդ րոպեին ԱԷԿ-ի ֆուտբոլիտները գնդակ են ուղարկել սեփական դարպասը, ինչից հետո գազազած երկրպագուները ներխուժել են մարզադաշտ: Երկու թիմերի ֆուտբոլիստներն էլ ստիպված են եղել թաքնվել հանդերձարաններում:
ԱԷԿ-ի երկրպագուները մարզադաշտի ներսում և դրանից դուրս ընդհարվել են նաև իրավապահ մարմինների հետ, որոնք ստիպված են եղել օգտագործել արցունքաբեր գազ:
Այս մասին հայտնում է Reuters-ը:
Մարզական լրահոսն ապահովում է SportArmenia.com-ը
