Էրիկ Ռուբինը ժամանել է Վրաստան
Новости-Грузия լրատվական գործակալության փոխանցմամբ՝ Եվրոպայի ու Ասիայի հարցերով ԱՄՆ փոխպետքարտուղար Էրիկ Ռուբինը ժամանել է Վրաստան: Այս մասին հայտարարել է Վրաստանում ԱՄՆ դեսպանատունը:
Վերջինիս հաղորդմամբ՝ Էրիկ Ռուբինը վաղը հանդիպումներ է անցկացնելու Վրաստանի իշխանությունների ու քաղաքացիական հասարակության ներկայացուցիչների հետ:
Շաբաթվա վերջին Ռուբինը մասնակցելու է Վրաստանի ու ԱՄՆ-ի միջև կնքված ռազմավարական համագործակցության խարտիայի շրջանակներում ստեղծված ժողովրդավարության հարցերով աշխատանքային խմբի բանակցություններին:
Այդ խարտիան ստորագրվել է 2009 թվականի հունվարի 9-ին, Վաշինգտոնում:
