Պերուն խզել է դիվանագիտական հարաբերություններն Իրանի հետ
Պերուի կառավարությունը որոշել է խզել դիվանագիտական հարաբերություններն Իրանի հետ: Այս մասին հայտնել է երկրի Արտաքին գործերի նախարարությունը` մեղադրելով Իսլամական Հանրապետությանը Մերձավոր Արևելքում «հակամարտությունները սրելու» համար:
«Պերուի Հանրապետության կառավարությունը որոշում է ընդունել խզել դիվանագիտական հարաբերություններն Իրանի Իսլամական Հանրապետության հետ», – ասվում է հայտարարության մեջ:
Գերատեսչությունը պարզաբանել է, որ այդ քայլը կապված է, մասնավորապես, Մերձավոր Արևելքում ստեղծված իրադրության, Հորմուզի նեղուցում Իրանի գործողությունների, միջուկային օբյեկտներ Ատոմային էներգիայի միջազգային գործակալության մուտքի սահմանափակման, «խաղաղ ցույցերի ճնշման, մամուլի ազատության սահմանափակումների, կանանց և աղջիկների նկատմամբ խտրականության, քաղաքական ընդդիմադիրների ճնշման հետ»։
Պերուի ԱԳՆ-ն միևնույն ժամանակ նշել է, որ Իրանի հետ դիվանագիտական հարաբերությունները խզելու որոշումը չի հանգեցնի հյուպատոսական հարաբերությունների խզման
