Վրաստանի ՊՆ-ը հաստատել է Կախեթիի ռազմաբազայից 60 զինվորագրված անձի դասալքելը
Новости-Грузия լրատվական գործակալության փոխանցմամբ`Վրաստանի ՊՆ-ը երեկ հաստատել է, որ 60 զինվորագրված անձ, հրաժարվելով ենթարկվել կանոնադրությանը, լքել են Կախեթիի շրջանում գտնվող «Պալդո» ռազմաբազան:
Վրացական ԶԼՄ-ները երեկ լուրեր էին տարածել զինծառայողների դասալքության մասին: Ավելի ուշ դասալքած զորակոչիկները հայտարարել էին, որ իրենք բազան լքել են նրա համար, որ իրենց ստիպել են մաքրել արտաքնոցներ, ինչը նախատեսված չէ կանոնադրությամբ:
Վրաստանի ՊՆ-ն ուշադրություն է հրավիրել նրա վրա, որ կանոնադրությանը ենթարկվել հրաժարվածները զինծառայողներ չեն, ինչի համար էլ բազայի ղեկավարությունը որոշել է արձակել նրանց:
Դրա հետ մեկտեղ Վրաստանի ՊՆ-ն ընդգծել է, որ 600 թափուր տեղի համար իրենք ստացել են 4383 մարդու հայտ, որոնք ցանկանում են ծառայել պայմանագրային հիմունքներով:
