Իրանի հետախուզության նախարարը ժամանել է Բաղդադ
Իրանական Press TV հեռուստաալիքի փոխանցմամբ՝ Իրանի հետախուզության նախարար Հեյդար Մոսլեհին ժամանել է Բաղդադ՝ բանակցելու Իրաքի բարձրաստիճան պաշտոնատար անձանց հետ:
Իրանի հետախուզության ղեկավարը քննարկելու է երկկողմանի հարաբերությունների բարելավման հարցը: Մոսլեհին երեկ հանդիպել է Իրաքի կառավարության՝ ազգային անվտանգության խորհրդական Ֆալեհ Ֆայազի հետ:
Իրանցի նախարարը հայտարարել է, որ իր իրաքյան այցը միտված է Թեհրանի ու Բաղդադի միջև հարաբերությունների հնարավոր բարելավմանը, ինչը մասնավորապես վերաբերում է անվտանգության ոլորտին:
Պլանավորված է, որ Մոսլեհին Բաղդադում հանդիպումներ է անցկացնելու իրանցի բարձրաստիճան չինովնիկների՝ ներառյալ վարչապետ Նուրի ալ-Մալիքիի և Իրաքի Իսլամական գերագույն խորհրդի նախագահ Ամար Հաքիմի հետ:
