Ուշի ոլորաններում բեռնատարը գլորվել է ձորը. կա զոհ և վիրավորներ
Քիչ առաջ Երևան-Վանաձոր ավտոճանապարհի Ուշի ոլորաններում խոշոր ավտովթար է տեղի ունեցել։ Բեռնատարը բախվել է «Գազել»-ին, հետո՝ «Վազ 2109-»-ին, որից հետո բեռնատարը գլորվել է ձորը։
Ինչպես վթարի վայրից հայտնում է ֆոտոլրագրող Գագիկ Շամշյանը, բեռնատարի վարորդը տեղում մահացել է, և ըստ տեղեկությունների՝ կան նաև վիրավորներ։
Դեպքի վայր են ժամանել Ճանապարհային ոստիկանության 2-րդ սպայական գումարտակի, ոստիկանության Արագածոտնի մարզային վարչության ոստիկանության Աշտարակի բաժնի Արտակարգ իրավիճակների նախարարության փրկարար ծառայությանն Արագածոտնի մարզի հրշեջ-փրկարարները, Աշտարակի հիվանդանոցի հերթապահ խումբը և ոստիկանության Արագածոտնի մարզի քննչական բաժնի քննիչները։
Մանրամասները՝ քիչ ուշ:
