ՆԱՏՕ-ի փորձագետները երկուշաբթի կժամանեն Բաքու
Ադրբեջանական Trend լրատվական գործակալության փոխանցմամբ՝ ակնկալվում է, որ ՆԱՏՕ-ի փորձագետներն Ադրբեջան կայցելեն փետրվարի 18-19-ին: Այս մասին այսօր հայտարարել է Ադրբեջանի պաշտպանության նախարարության մամլո ծառայությունը:
ՆԱՏՕ-ի փորձագետները Բաքու են ժամանելու Ադրբեջանի զինված ուժերի ռազմական ուսուցման համակարգի մի շարք ոլորտների աջակցման ու զարգացման նպատակով: Այցն իրականացվելու է ՆԱՏՕ-ի «Գործընկերություն հանուն խաղաղության» ծրագրի շրջանակներում՝ Անհատական գործընկերության ծրագրին համապատասխան:
