Թուրքիան համառորեն չի հրաժարվում Սև ծովում նավթի փնտրտուքից
Թուրքական TRT Haber հեռուստաալիքի փոխանցմամբ՝ թուրքական TPAO նավթագազային կորպորացիան և Shell ընկերությունը համաձայնագիր են ստորագրել Սև ծովում նավթի հետախուզման աշխատանքներ իրականացնելու շուրջ: Այդ նպատակով պետք է մի շարք հորատումներ իրականացվեն Սև ծովում: Գործարքը գնահատվում է 150 միլիոն դոլար:
Թուրքիան ակտիվորեն զբաղված է նավթահանքերի փնտրտուքով՝ նվազեցնելու համար նավթի ներկրումից ունեցած մեծ կախվածությունը: Այս տարվա սկզբին Սիիրթ (Սղերթ) նահանգում հայտնաբերվել է բարձրորակ նավթ: Թուրքիան նավթի որոնման աշխատանքներ է իրականացնում նաև Միջերկրական ծովում՝ ինքնահռչակ Հյուսիսային Կիպրոսի այսպես կոչված բացառիկ տնտեսական գոտում:
Հիշեցնենք, որ վերջին տարիներին Թուրքիան քանիցս հորատումներ է իրականացրել Սև ծովի իր հատվածի արևելյան, կենտրոնական ու արևմտյան մասերում, սակայն նշանակալից ոչինչ չի հայտնաբերել:
