ԱՄՆ-ում ստեղծվելու է աշխարհի խոշորագույն ավիաընկերությունը
Vesti.ru-ի փոխանցմամբ՝ ԱՄՆ-ում ստեղծվելու է աշխարհի խոշորագույն ավիաընկերությունը: American Airlines և US Airways ընկերությունները պայմանավորվել են միավորման շուրջ: Այսօր այդ երկու ընկերությունները վերջակետ են դրել նախորդ տարվա օգոստոսին մեկնարկած բանակցություններին:
Միավորման ստույգ մանրամասները հայտնի չեն: Պաշտոնապես գործարքի մասին կհայտնվի ավելի ուշ: Հայտնի է միայն, որ միավորված կազմակերպությունը կպահպանի American Airlines անվանումը: Այն կգլխավորի US Airways ընկերության գործադիր տնօրեն Դուգ Պարկերը:
