Քիմ Քարդաշյանը 100 հազար դոլարանոց նվեր է ստացել (լուսանկարներ)
Հայազգի մոդել Քիմ Քարդաշյանը, ով ներկայումս երեխայի է սպասում ընկերոջ` Քայնե Ուեսթից շարունակում է թանկարժեք նվերներ ստանալ: Ինչպես հաղորդում է lux.fm կայքը, այս անգամ ռեփերն իր ապագա երեխայի մորը նվիրել է 100 հազար դոլար արժողությամբ զարդեր: Զարդերը Քայնեն գնել է «Cartier»-ի փարիզյան խանութից: Զույգը շրջել է Փարիզում և շատ երջանիկ տեսք է ունեցել: Իր twitter-ի միկրոբլոգում հայազգի մոդելը հանգստից ստացած տպավորությունները համեմատել է «Սեքսը մեծ քաղաքում» ֆիլմի սիրո պատմութան հետ: Քիմն այնքան է հավանել Քայնեի նվերը, որ մի քանի րոպե անց Instagram սոցիալական կայքում տեղադրել է իր թանկարժեք նվերների լուսանկարները: Հիշեցնենք, որ Քիմն ու Քայնեն մասնակցում էին Փարիզում անցկացվող Բարձր նորաձևության շաբաթին:
