Թուրքիան բողոքի նոտա է հղել Սիրիային
Թուրքիան բողոքի նոտա է հղել Սիրիային: Ըստ թուրքական Haber Türk թերթի՝ դրա պատճառն այն է, որ երեկ Սիրիայի տարածքից արձակված հրանոթային արկն ընկել է Շանլըուրֆա (Ուրֆա) նահանգի Աքչաքալեի շրջանում: Արկի պայթյունի հետևանքով զոհեր չէին գրանցվել, սակայն այն առաջացրել է ավերածություններ, ինչպես նաև թեթև վիրավորվել է երեք մարդ:
Թուրքիայի արտգործնախարար Ահմեդ Դավութօղլուն հայտարարել է, որ դրա հետ կապված` իրենք նոտա են հղել Սիրիային. «Աքչաքալեում և սահմանակից այլ շրջաններում ձեռնարկվել են անվտանգության միջոցառումներ: Մենք տեղի ունեցածի մասին իրազեկել ենք ՄԱԿ-ին ու ՆԱՏՕ-ին: Մենք իրավունք ունենք միջոցներ ձեռնարկել մեր սահմանի խախտման դեմ: Թուրքիան ունակ է վերահսկել իրավիճակը»:
