Մահմուդ Աբասը Իսրայելին մեղադրել է պաղեստինյան տարածքները «էթնիկապես մաքրելու» համար
Պաղեստինյան ինքնավարության ղեկավար Մահմուդ Աբասը Իսրայելի կառավարությանը մեղադրել է պաղեստինյան տարածքները «էթնիկապես մաքրելու» ցանկության մեջ: Աբասի խոսքերով՝ Իսրայելը դա իրականացնում է արաբ բնակչության տները քանդելու և հրեական բնակավայրերն ընդլայնելու միջոցով:
ՄԱԿ Գլխավոր ասամբլեայի նստաշրջանում Աբասը կազմակերպությանը կոչ է արել ինքնավարությանը շնորհել դիտորդի կարգավիճակ: Պաղեստինյան առաջնորդը նշել է, որ չնայած պաղեստինցի ժողովրդի «զայրույթին», նա հավատարիմ է մնում երկու անկախ պետությունների ստեղծման գաղափարին:
