Ռուսաստանն արգելել է խնձորի և լոլիկի ներկրումը Մոլդովայից
ՌԴ Գյուղատնտեսության վերահսկիչ մարմինն առգրավել է Մոլդովայից Բրյանսկի մարզ փոխադրվող խնձորի ու լոլիկի վիթխարի խմբաքանակը: Փորձ է արվել միրգն ու բանջարեղենը Ռուսաստան ներմուծել կեղծ փաստաթղթերով: Այս մասին հայտնում է Rosbalt.ru-ն:
Գերատեսչության հայտարարությամբ՝ ավելի քան 38 տոննա գյուղարտադրանքն առգրավվել է Նովիե Յուրկովիչի միջազգային ավտոմոբիլային անցակետում:
Խնձորի խմբաքանակի կարանտինային բուսասանիտարական վերահսկման փաստաթղթերում Գյուղատնտեսության վերահսկման գերատեսչության Բրյանսկի և Սմոլենսկի մարզերի վարչությունները հայտնաբերել են անվավեր բուսասանիտարական փաստաթուղթ, իսկ լոլիկի խմբաքանակի փոխադրման համար ներկայացված փաստաթղթերում՝ կեղծումներ: Մթերքը հետ է ուղարկվել Մոլդովա:
