Լիբիայի ԱԱԽ-ն կհանձնի իշխանությունը
Լիբիայում Ազգային անցումային խորհրդից իշխանության հանձնումը Համընդհանուր ազգային կոնգրեսին ծրագրված է օգոստոսի 8-ին: Այս մասին, ինչպես հաղորդում է “Ֆրանս պրեսը”, երեկ՝ հուլիսի 29-ին հայտարարել է ԱԱԽ ներկայացուցիչ Օթման բեն Սասին:
Կոնգրեսի խնդիրներն են կառավարության ձեւավորումը, երկրի կառավարումը անցումային փուլում, ինչպես նաեւ ընտրությունների մասին օրենքի եւ նոր սահմանադրության ընդունումը: Ըստ լիբիական իշխանությունենրի` այդ անցումը կարեւոր փուլ պետք է լինի երկրի կյանքում` Քադաֆիի ռեժիմի տապալումից հետո: Լիբիայի Համընդհանուր ազգային կոնգրեսի ընտրությունները տեղի էին ունեցել հուլիսի 7-ին, որի արդյունքներով հաղթել էր Ազգային ուժերի միությունը:
