Սիրիայում քաղաքական անցման հարցում ռուս-ամերիկյան համաձայնություն կա
Ռուսաստանի նախագահ Վլադիմիր Պուտինը ԱՄՆ-ի իր գործընկեր Բարաք Օբամայի հետ համաձայնեցրել է Սիրիայում քաղաքական անցման հարցը: Այս մասին, ինչպես հաղորդում է Interfax-ը, ասվում է Սպիտակ տան հաղորդագրության մեջ:
«Երկու երկրների նախագահները նշել են, որ Սիրիայում բռնությունը սրվել է, և համաձայնության են եկել, որ անհրաժեշտ է աջակցել շուտափույթ քաղաքական անցմանը, որպեսզի հասնեն բռնության դադարեցմանը և կանխեն իրավիճակի հետագա վատթարացումը»,- ասվում է հաղորդագրության մեջ:
Հեռախոսազրույցի ժամանակ 2 նախագահները նշել են, որ, չնայած Սիրիայի հարցում եղած տարաձայնություններին, իրենք պետք է շարունակեն աշխատանքը՝ իրավիճակից դուրս գալու ելք գտնելու համար:
