Պուտինը չեղյալ է հայտարարել դեպի Թուրքիա ուղեգրերի վաճառքի արգելքը

ՌԴ նախագահ Վլադիմիր Պուտինը հրամանագիր է ստորագրել Թուրքիայի նկատմամբ սահմանափակումները վերացնելու վերաբերյալ: Կառավարությանը հանձնարարվել է միջոցներ ձեռնարկել, որոնք նախատեսում են Ռուսաստանի և Թուրքիայի միջև չարթերային փոխադրումների արգելքի հանում: Բացի դրանից` նախագահը հանձնարարել է չեղյալ հայտարարել 2015թ. նոյեմբերի 28-ին ստորագրված հրամանագրի կետերից մեկը, որը սահմանափակումներ է նախատեսում ռուսներին Թուրքիա ուղեգրերի վաճառքի համար:

ՌԴ նախագահը նաև հանձնարարել է թուրքական կառավարության հետ բանակցություններ վարել երկու երկրների միջև տնտեսական կապերի վերաբերյալ: