Բաժիններ՝

Բացվել է Հրանտ Մաթևոսյանի արձանը

Երևանի քաղաքապետի նախաձեռնությամբ մայրաքաղաքի Հրանտ Մաթևոսյանի անվան դպրոցի բակում հանդիսավորությամբ բացվել է հայ մեծանուն գրող-հրապարակախոսի արձանը: Քանդակի հանդիսավոր բացման պատիվը վերապահվել է Երևանի քաղաքապետ Տարոն Մարգարյանին և Հրանտ Մաթևոսյանի որդուն՝ Դավիթ Մաթևոսյանին:

002hrantmat

Արձանի հեղինակը ՀՀ արվեստի վաստակավոր գործիչ, քանդակագործ Արտաշես Հովսեփյանն է:

phpThumb

Օրվա խորհրդի շրջանակում կազմակերպված միջոցառմանը ներկա էին նաև մեծ գրողի ընտանիքի անդամներն ու նրա արվեստը գնահատող բազմաթիվ հյուրեր:

004hrantmat

Ներկաներին ուղղված իր ողջույնի խոսքում Երևանի քաղաքապետի տեղակալ Արամ Սուքիասյանն ընդգծել է, որ մեծն արձակագրի անունը կրող դպրոցի բակում ազգային էության ու կեցվածքի խորհրդանիշ դարձած Հրանտ Մաթևոսյանի արձան ունենալն ուղղակի անհրաժեշտություն էր. «Շատ ուրախ ենք, որ այսօրինակ, այն էլ հեղինակավոր քանդակագործ Արտաշես Հովսեփյանի այս գործն այսօր տեղադրվում է դպրոցի բակում: Նաև անհրաժեշտություն էր, որ Հրանտ Մաթևոսյանի որակի, հատկանիշների, ազգային էության ու կեցվածքի խորհրդանշումը քանդակի տեսքով լիներ դպրոցի բակում՝ այդպիսով մնալով որպես մեզ անընդհատ հուշող, շարունակ հորդորող ու ճանապարհ ցույց տվող խորհրդանիշ: Հրանտ Մաթևոսյանի մեծությունը նախևառաջ չափվում է իր ստեղծագործություններով ու նաև համաշխարհային իր կշռով: Բայց նաև մենք օրինակ ունենք վերցնելու մտավորականի կեցվածքից, դրսևորումներից և, իհարկե, իր յուրօրինակ տեսակից»,- ընդգծել է Արամ Սուքիասյանը:

005hrantmat

Քաղաքապետ Տարոն Մարգարյանը դպրոցի փոքրիկ սաների ուղեկցությամբ ծանոթացել է նաև ինչպես բակում ցուցադրված, այնպես էլ դպրոցի շենքում առկա մաթևոսյանական շնչով լեցուն նկարներին և հայկական ավանդական ցուցանմուշներին:

006hrantmat

Երևանի քաղաքապետարանի տեղեկատվության

և հասարակայնության հետ կապերի վարչություն

 

Բաժիններ՝

Տեսանյութեր

Լրահոս