Երեկ 44-օրյա պատերազմում զոհված Աշոտ Խոմով-Սարգսյանի ծննդյան տարեդարձն էր, հերոսը կդառնար 22 տարեկան: Այդ կապակցությամբ Մասիս քաղաքի Առնո Բաբաջանյանի անվան երաժշտական դպրոցում կազմակերպվել էր հերոսին նվիրված հուշ-երեկո, որին ներկա էին զոհված զինծառայողի հարազատները, ընկերները, հրամանատարը, 44-օրյա պատերազմի զոհերի տասնյակ ծնողներ, ինչպես նաև Մասիս խոշորացված համայնքի ղեկավար Դավիթ Համբարձումյանը:
44-օրյա պատերազմում նահատակված Նարեկ Մանուկյանը երեկ՝ նոյեմբերի 21-ին, կդառնար 22 տարեկան։ «Եռաբլուր» զինվորական պանթեոնում՝ նրա շիրիմին, հիշատակի ու հարգանքի տուրք մատուցելու էին եկել ընտանիքի անդամները, հարազատները, մարտական ընկերները։
Հայկազ Մկրտչյանը, որին շատերը ճանաչում են՝ որպես Հայկա, ծնվել էր 2000 թվականի հոկտեմբերի 31-ին՝ Երևանում։ Ծառայության էր մեկնել 2019 թվականի հունվարի 23-ին։ Նրան անվանակոչել էին Հայկազ պապի անունով, սակայն ընտանիքի անդամներն ու ընկերները դեռ մանկուց Հայկա են ասել։
«Ոչ միայն Մխիթարիս ծնունդը, այլև մեր ծնունդները «Եռաբլուր»-ում ենք անցկացնում, ժամը 12-ին իր մոտ ենք լինում։ Մեզ համար «ծնունդ» բառը վերացել է, ուղղակի սիմվոլիկ գնում ենք Մխիթարիս տուն, մենք այդպես ենք համարում՝ իր տուն։ Մխիթարիս ընկերները, հարազատները, մեր բախտակից ծնողները գիշերը «Եռաբլուր»–ում ենք եղել, ժամը 3-ն էր՝ նոր տուն ենք եկել»։
