Արդեն 38-րդ օրն է՝ Արցախը գտնվում է ադրբեջանական շրջափակման մեջ։ Ադրբեջանական, այսպես կոչված, «բնապահպանները», իսկ իրականում՝ թուրքական և ադրբեջանական հատուկ ծառայությունների ներկայացուցիչները, դեկտեմբերի 12-ից փակել են Արցախը Հայաստանին կապող միակ ճանապարհը, որի արդյունքում 120 հազար հայեր հայտնվել են շրջափակման մեջ։
ԱԺ «Հայաստան» խմբակցության պատգամավոր Արմեն Ռուստամյանը ճիշտ է համարում, որ Արցախում ներքին քննարկումների արդյունքում բոլորը ճիշտ եզրահանգման են եկել, որ այսօր գերակա խնդիր կա, և հանուն այդ գերակա խնդրի՝ բոլոր մնացած հարցերը պետք է ստորադասվեն։
