Երևանի թատրոնի և կինոյի պետական ինստիտուտի ուսանողները երեկ դասադուլ էին անում: Ըստ ուսանողների, բուհի ռեկտորի պաշտոնակատար Լիլիթ Արզումանյանն արգելել է իրենց դասախոս Նիկոլայ Ծատուրյանի ղեկավարած երրորդ կուրսի ներկայացումը, որը բեմադրվել է ժամանակակից հայ գրող Էդգար Կոստանդյանի «Որբանոց» ստեղծագործության հիման վրա: Նրանք կարծում էին, որ արգելքը տեղին չէ։
