«Մայր տաճարի մուտքի մոտ կաթողիկոսի շիրմաքարի վրա բարձրացած Օպերայի և բալետի ազգային ակադեմիական թատրոնի տնօրեն, դիրիժոր Կարեն Դուրգարյանի եղբայրը՝ Վրեժ Դուրգարյանը, որը նաև թատրոնի փոխտնօրենն է, այդ օրն անսթափ վիճակում էր, բանավոր խոսք հասկանալու ընդունակ չէր։ Երեք անգամ խնդրեցի, որ իջնի շիրմաքարից, չլսեց, հետո արդեն ուղղակի քաշելով իջեցրի նրան շիրմաքարի վրայից…
Նիկոլ Փաշինյանն իրավունք չունի միջամտելու եկեղեցու գործերին, ուժով մտնել եկեղեցի․ Փաշինյանն ինչի համար ընտրություններին քվե է ստացել, թող այդ պարտականությունները կատարի, խոստումները, որ տվել է՝ Շուշիի ու Հադրութի դեօկուպացիայից սկսած․․․և խաբել է։
Օպերայի և բալետի ազգային թատրոնում, ասում են՝ գործում է նաև «Դուրգարյանների ազգակցական թատրոնը»․ Կարեն Դուրգարյանը տնօրենի պաշտոնն է զբաղեցնում, նրա եղբայրը՝ Վրեժ Դուրգարյանը, աշխատում է Կարեն Դուրգարյանի օգնական։
Նախօրեին Մայր Աթոռ Սուրբ Էջմիածնի վրա ասպատակություն կատարած խառնամբոխի վարքը ինֆարկտի հասցրեց տեղում գտնվող բազմաթիվ հոգևորականներից մեկին՝ Բյուրականի Սուրբ Հովհաննես եկեղեցու հոգևոր հովիվ, արժանապատիվ քահանա Տեր Վրթանես Բաղալյանին։
