Այսօր ԱԺ-ում «Քաղաքացիական պայմանագիր» խմբակցության պատգամավոր Բաբկեն Թունյանը քվեարկությունից հետո նշեց, թե զուտ բարելավող բնույթի օրենքի փոփոխությանն ընդդիմությունը կողմ չքվեարկեց:
Ընդդիմադիր պատգամավոր Արման Ղազարյանն այսօր Կառավարության հետ հարցուպատասխանի ժամանակ Նիկոլ Փաշինյանից հետաքրքրվեց, թե ի՞նչ հիմնավորամբ են ՀՀ սուվերեն տարածքից՝ Տավուշի մարզի Կիրանց համայնքից, հողամասերը տրվել Ադրբեջանին, ի՞նչ հիմնավորմամբ են քաղաքացիների՝ սեփականության իրավունքով տրված վկայականներն ու գույքը վերցվել, ի՞նչ իրավական փաստաթղթերի հիման վրա են հսկիչ էլեկտրոնային քարտեզներում գաղտնի կատարվել համապատասխան փոփոխություններ։ Պատգամավորը, ի դեպ, բերել էր նաև համապատասխան քարտեզները։
Նախորդ տարվա դեկտեմբերի 12-ից, ինչ Ադրբեջանը տոտալ բլոկադայի ենթարկեց Արցախի Հանրապետությունը, սփյուռքի հայկական տարբեր գաղթօջախներում տեղի ունեցան բողոքի ակցիաներ՝ Լիբանանից մինչև Վիեննա ու Միացյալ Նահանգներ։ Բոլորի պահանջը մեկն էր՝ բացել արցախահայության կյանքի ճանապարհը։ Սեպտեմբերի 19-ին Արցախում Ադրբեջանի սանձազերծած ռազմական ագրեսիային զուգահեռ՝ Վիեննայում շարունակվում էին բողոքի ակցիաները՝ տեղի տարբեր պետական կառույցների մոտ։ Բողոքի ակցիայի պահանջի ու […]
