Փետրվարի 19-ին 168.am-ը հեռախոսազանգի միջոցով ՀՀ ռազմական ոստիկանության պետ Աշոտ Զաքարյանից փորձել էր տեղեկություն ստանալ՝ ի՞նչ փուլում է Ներքին Հանդում հայ դիրքապահների կրակել-չկրակելու հետ կապված հետաքննությունը, և ի՞նչ է պարզվել: Նա, սակայն, առաջարկել էր դիմել ՀՀ ՊՆ խոսնակին՝ «բոլոր հարցերն ուղղեք մամուլի և լրատվության վարչությանը», թեպետ, ինչպես հայտնի է՝ հաղորդագրությունը տարածել է Ռազմական ոստիկանությունը:
Փետրվարի 12-ին ադրբեջանական լրատվամիջոցները հաղորդել էին, թե Հայաստանն իբր նույն օրը ժամը 13:37-ի սահմաններում Զանգելանի շրջանի (Կովսականի) ուղղությամբ խախտել է հրադադարի պահպանման ռեժիմը, ինչի հետևանքով Ադրբեջանի պետական սահմանապահ ծառայության զորքերից մեկ զինծառայող վիրավորվել է:
